Читать книгу Баппай берашта. Вахарах, цу вахаре керттера долчох лаьца. Михах лаьца а! онлайн

2 страница из 3

З1амигача баппилга керта чу латтар воккхача сага аьннар, цунах уйла еш, тхьовсалацар из:

– Дада, хьадувцал, хьадувцал хьайна 1айха дийцар! Фу яхилга да из? Хьадувцал хьайна из хьаькъале къамаьл!

– Хьаькъале дий-те из? – аьлар баппас, ше-шийца оалаш санна, б1арг хьа а ца белаш.

– Хьадувций 1а? – сацацар баппилг.

– Диканд. Ладувг1алахь, – аьнна, сих а ца луш, волавелар воккха саг.

Цхьан хозача баь т1а яхаш хиннай баппаш. Уж догц1ена кхолламаш, шоашта ц1ена фо а долаш,, мел эша наьна-маьлха й1овхал а йолаш яхаш хиннай.

Тушол-бетта, лоа дашашехь хьалъара а яьнна лаьтта к1алхара, шоашта мерза дуне дуаш яр уж. Уж хоза хеташ, царна б1арахьежар оакхарий, оалхазараш, юхег1олла т1ех мел воалар.

Озаенна маьлхага кхача г1ерташ санна латтар уж, дерригача дуненга елаенна, вахара раьза йолаш, даьла денна г1адъяха йолаш. Х1ара 1уйранна малха духьала айлора уж, шоай безаме йовхьамаш цунга аййора цар.

Х1ара 1уйранна маьлха хьалххарча з1анарашца сомаяьле, мерза озаялий, шоай 1ажаг1а кийнаш т1атохкар баппаша.