Читать книгу Гьиссерин кимел онлайн

8 страница из 28

Садахъни зун жедач цIигел.

Ви лекьери ахъайна лув,

Мукьваларна чаз Шагьдин сув.

Ви гьар са пIипI – тарихдин гел,

Ви хураллайд – зи лезги эл.

Ви веледар – кьегьал ксар,

Рекье туна агъзур йисар,

Уьмуьр гьалда къуьн-къуьневаз,

Хуьда ви тIвар кьил виневаз.

Хайи КцIар – ксарин чил,

АтIудач гьич вакай зи вил.

Диде ватан – рикIиз чими,

Зи хиялрин лацу гими.

ГЬА САКIА

Дуьньядиз гьа сакIа къведа инсанар,

Гьа сакIа ишеда вири аялар.

Бахтлувал паталди тушни, лагь куьне,

Инсанрин виридан рикIин хиялар?

Жегьилрин кIанивал гьа сад хьтинд я,

Теменри гьиссерал звал гъида иер.

Ашкъидив туькIуьррай кIвал-югъ вирида,

Тахьурай садални чаравилин хер.

Шад чIавуз инсанар ухшар жеда гьикI,

РикIе кьацI ийида фикирди фаддиз.

Тlалариз, гъамариз миллет авани,

Халкьар бахтлу жечни хъуьрейла шаддиз?

Вахт хьана, уьмуьрар кьатI жедай чIавуз,

Аллагьди къахчуда чанарни сад хьиз.

РикIелни къведач, вуж гьи миллет ятIа,

Дуьньяди вуж хвена, лагь, вилин хад хьиз?

Алаз хьуй дуьньядал, аваз хьуй чпиз,

Гьи халкьдиз гьи кьисмет кхьенватIани.