Читать книгу La Vall d'Uixó en el temps de la lloctinència de l'infant Martí. (1372-1396) онлайн
104 страница из 109
Testimonis: Bernat d’Esplugues, camarlenc, Francesc Aguiló, algutzir, i Francesc Xifré, secretari de l’infant.
ACA, Reial Cancelleria, Registres, núm. 2069, ff. 43r-44v.
Noverint universi quod nos infans Martinus, illustrissimi domini Petri regis Aragonum filius et Dei gracia comes de Exerica et de Luna ac dominus civitatis Sugurbii, attendentes vos Abdolaziz Aldall et Abdolaziz Atacef, sarracenos habitatores Vallis de Uxone, nominibus vestris propriis et ut procuratores, sindici et actores universitatis sive aliame ac singularium dicte Vallis de Uxone et alcharearum ipsius, inter quas comprehenditur alcharea de Alfandeguella, ad preces nostri una nobiscum vendidisse dilecto nostro Vitali de Villanova, militi, minori dierum, duos mille quingentos solidos regalium Valencie censuales, annuales et rendales et perpetuales sine firma fatica seu laudamio, sed cum omni cohercione et pleno iure emphiteotico et omni alio pleno iure percipiendi eos secundum ius, foros et privilegia Valencie, habendos et percipiendos per dictum Vitalem et successores suos medietatem secunda die mensis augusti proxime venientis et aliam medietatem .IIª. die subsequentis tunc mensis februarii, et sic deinde annis singulis perpetuo in terminis supradictis, salve et secure nostris et vestris propriis sumptibus et expensis et ad vestri riscum, periculum et fortunam, franquos scilicet et quitios ab omnibus questionibus, represaliis, empariis aut aliis quibuslibet impedimentis, portatosque et tradendos dicto emptori et successoribus suis et quibus voluerit apud civitatem Valencie, intus hospicium, habitacionis seu pausate dicti Vitalis et cuiuscumque sui successoris in dicto censuali, adiectis etiam et apositis in contractum vendicionis predicte nonnullis pactis, penis pecuniariis et aliis diversis clausulis prout inde constat lacius per instrumentum publicum per nos dictum infantem et vos dictos sindicos et procuratores factum et firmatum in posse notarii subscripti die et anno infrascriptis, ut in eo lacius continetur. Considerantes etiam nos dictum infantem precium censualis predicti recepisse et in factis nostris propriis esse conversum ubique ex parte nostra promissum fuisse vos a predictis servare indempnes. Idcirco, volentes ea que ex parte nostra vobis promissa fuere omnino adimplere, ex certa sciencia nostra et mente delliberata, scienter penitus et consulte, tenore presentis publici instrumenti convenimus et promitimus in nostra bona fide vobis, dictis sindicis et procuratoribus presentibus et dicte universitati et singularibus de eadem licet absentibus tanquam presentibus et successoribus vestris et eorum, quod nos solvemus et solvi faciemus annis singulis per terminos supradictos dicto emptori et suis duos mille quingentos solidos supradictos sine omni dampno, missione et interesse vestri et universitatis predicte et singularium ipsius et successorum vestri et ipsorum, et ab omni obligacione per vos dictos sindicos et procuratores quibus supra nominibus (sic) facta servabimus vos dictos sindicos et procuratores et universitatem predictam et singulares ipsius et bona vestra et ipsorum indempnes et penitus sine dampno, quodque redimemus de nostro proprio censuale predictum. Et ut melius indempnitati vestri et universitatis predicte et singularium ipsius provideatur, mandamus expresse cum hoc presenti publico instrumento alcaydo et aliis officialibus nostris dicte vallis, presentibus et futuris, quod de questia, peyta, redditibus et iuribus nostris dicte vallis dent et exsolvant dicto emptori et suis anno quolibet in terminis supradictis duos mille quingentos solidos superius expressatos simul cum omnibus expensis, dampnis et interesse per ipsum emptorem fiendis, alio mandato a nobis seu expensore aut procuratore nostro seu ab alio officiali super hiis minime requisito nec etiam expectato, quodque ipsos duos mille quingentos solidos dent et exsolvant et dare et solvere teneantur dicto emptori et suis annis singulis in terminis antedictis pro aliis quibuscumque assignacionibus et pro aliis omnibus peccunie quantitatibus quibusvis personis cuiuscumque condicionis fuerint assecuratis seu concessis super questia, peyta seu aliis redditibus74 dicte vallis graciose seu ex debito ex quavis racione seu causa et sub quavis firmitatis forma seu concepcione verborum, omnesque alias assignaciones seu concessiones specialiter seu generaliter per nos factas super redditibus et iuribus dicte vallis quatenus possunt impedire presentem assignacionem vel eandem aliqualiter adversari revocamus de presenti et pro revocatis haberi volumus et non factis, absolventes huius tenore et pro absolutis habentes baiulum et sarracenos predicte vallis ab omnibus sacramentis et homagiis, promissionibus, obligacionibus et securitatibus quas fecerint de solvendo aliis quibusvis assignatariis de redditibus supradictis quasvis alias peccunie quantitates donec prius et ante omnia de predictis questia, peyta et redditibus solverint annuatim censuale predictum, necnon et quascumque pensionem seu pensiones et omnes missiones et expensas ac interesse si quas dictam universitatem facere vel sustinere oportebit. Promitentes vobis dictis sindicis et procuratoribus presentibus et universitati dicte vallis et singularibus ipsius licet absentibus tanquam presentibus in posse notarii subscripti tanquam publice persone hec a nobis pro vobis et aliis quorum intersit legitime stipulantis et recipientis predicta omnia et singula firma habere, tenere, attendere et complere et in aliquo non contrafacere vel venire aliquo iure, causa vel etiam racione pro quibus servandis obligamus omnia bona nostra. Et quantum ad hoc renunciamus omni iuri, foro, legi, racioni et consuetudini contra hec venientibus, et ad maiorem predictorum omnium et singulorum firmitatem iuramus per dominum Deum et eius sancta Quatuor Evvangelia nostris manibus corporaliter tacta predicta omnia et singula semper rata, grata et firma habere, tenere et observare et in aliquo non contrafacere vel venire, iure aliquo, causa vel etiam racione.