Читать книгу La Vall d'Uixó en el temps de la lloctinència de l'infant Martí. (1372-1396) онлайн
71 страница из 109
Testimonis: Francesc de Sant Climent, conseller i majordom del duc de Girona, Jaume March, uixer del rei, i Pere Ermengaud, sots-dispenser del duc de Girona.
ACA, Reial Cancelleria, Registres, núm. 2065, ff. 142v-143v.
In Dei nomine. Noverint universi quod nos infans Martinus etc.17 Attendentes quod iuxta formam hereditamenti seu donacionis quod seu quam dominus rex iam dictus nobis fecit inter alia de comitatu et baronia de Exerica et castro et valle de Uxone, comitatus Bisulduni et vicecomitatus de Bas, quos antea ipse dominus rex sub certa forma nobis donavit ad ipsum et inclitum dominum infantem Iohannem, eiusdem domini regis primogenitum et in omnibus regnis et terris suis generalem locumtenentem, ducem Gerunde et comitem Cervarie, dominum et fratum nostrum carissimum, debent reverencie et iuri, dominio et proprietati corone regie reduci, videlicet quocumque ipsi domini rex et dux seu alter ipsorum dictum castrum et vallem de Uxone et de Alfondiguiella que per nobilem Petrum de Scintillis pro certa peccunie quantitate detinentur redemerint necnon desobligaverint omnia et singula loca comitatus de Exerica et eius tenencie ab omni vinculo debitorum prout in carta donacionis dicti comitatus de Exerica continetur, pro quibus siquidem redempcione et desobligacione nobis dicto infanti, de voluntate et assensu dictorum dominorum regis et ducis convenit de necessitate iurisdiccionis impignorare seu vendere aut alienare infrascripta.18 Prospicientes etiam quod ex quo prefati dominus rex et dominus dux, qui predicta et infrascripta sume cordi habent, volunt predicta redimere et desobligare, nos locum dare debemus omnino ad predicta et in hiis et aliis suis voluntatibus complacere toto posse nostro, ideo, ut peccunia pro dicta luicione fienda melius et promptius procurari possit et haberi ac subscripta alia fieri, tenore presentis carte nostre seu instrumenti publici, de voluntate et consensu expresso dictorum dominorum regis et ducis, vos dilectos nostros Castilionem de Maioricis, iurisperitum, consiliarium et promotorem negociorum curie domini regis prefati, et Gueraldum Caspluga, consiliarium et scriptorem porcionis iam dicti domini ducis, procuratores nostros constituimus certos et speciales scilicet ad cogendum, forciandum19 et distringendum prius et ante omnia modis, formis et viis quibus decet omnes et singulas universitates castrorum et locorum dictorum comitatus et vicecomitatus et aliorum locorum sive castrorum et illos etiam quorum dicta castra seu loca sunt se in unum congregandum, conveniendum seu interessendum pro luicione seu redempcione ipsarum villarum, castrorum et locorum comitatus et vicecomitatus predictorum et partem quamlibet universitatis20 et alias personas solvere contingentem in et pro quantitate dicte luicionis et aliorum inde emergendorum persolvi faciendum seu statutis terminis solvere obligandum cum securitatibus et cautelis ad premissa necessariis prout vobis videbitur peragendum, necnon ad vendendum, impignorandum et quocumque alio alienacionis genere alienandum omnes et singulas iurisdicciones nostras ac merum et mixtum imperium ad imperpetum vel ad tempus quas et quod nos habemus in villis Balneolarum et Oloti et aliis parrochis quibuscumque et castris comitatus Bisulduni et vicecomitatus de Bas predictorum et extra prout vobis videbitur faciendum cum instrumento perpetuo gracie et pro quocumque seu quibuscumque preciis volueritis aut prout cum emptoribus seu aliis contrahentibus poteritis convenire ipsosque emptores et contrahentes per vos seu quos volueritis in possessionem rey (sic) empte seu impignorate vel alia adquisicione21 mittere et inducere, et inductos in ea denfendere (sic) et defendi facere et mandare vice nostra bonaque vestra quod eviccione rey vendite vel impignorare vel alii alienate seu permutate obligare pre[...] et quasvis peccunias nobis pro dictis contractibus et quibusvis concessionibus per vos pro expressa racione nostro nomine faciendis pertinentes recipere tam de vendicionibus, impignoracionibus et alienacionibus quam in possessionem induccionibus et preciorum ac peccuniarum recepcionibus quam aliis circa premissa agendis instrumenta facere et firmare nomine nostro possitis etiam pro predictis bona nostra obligare et promitere quoscumque fideiubentes quod nos servare indempnes cum omnibus eorum bonis et pro huiusmodi indempnitate et [alia] pro predictis iuramentum in animam nostram facere et prestare. Preterea, possitis in quam universis et singulis officialibus et subditis nostris ex nostra parte mandare, quibus etiam cum presenti mandamus, sub pena nostre gracie et mercedis ut pro execucione promissorum vobis et vestris iussionibus et requisicionibus pareant et attendant. Et demum omnia alia et singula possitis facere et expedire in et pro predictis et dependentibus ex eis que nos possemus personaliter constituti, etiam si talia essent que mandatum exigerent speciale, dantes et comitentes vobis super predictis omnibus et singulis et dependentibus seu emergentibus ex eisdem seu eis [con]nexis facultatem plenariam et generaliter vices nostras. Et iuramus per dominum Deum et eius sancta Quatuor Evvangelia manibus nostris corporaliter tacta et dicti religione iuramenti promittimus infrascripto notario tanquam publice persone stipulanti et recipienti pro omnibus illis et singulis quorum interest et interesse potest et poterit in futurum quod quidquid per nos et super predictis [se]u racione aut occasione eorum promissum, iuratum et firmatum fuerit sive factum, ratum, [g]ratum et firmum perpetuo habebimus et tenebimus et [non] contraveniemus aut faciemus aliqua racione ac si per nos [per]sonaliter actum fuisset sub nostrorum omnium obligacione bonorum in quorum omnium testimonium presentem cartam nostram sive hoc presens publicum instrumentum fieri et sigillo nostro pendenti iussimus comuniri.