Читать книгу Come Hither: A Collection of Rhymes and Poems for the Young of All Ages онлайн

122 страница из 152

I gave tull him a parting luik,

"My benison gang wi' thee!

God speed thee weil, mine ain dear heart,

For gane is all my joy;

My heart is rent, sith we maun part,

My handsome Gilderoy!"

My Gilderoy, baith far and near,

Was feared in ev'ry toun,

And bauldly bare away the gear

Of many a lawland loun:

Nane eir durst meet him man to man,

He was sae brave a boy;

At length wi' numbers he was tane,

My winsome Gilderoy.

Wae worth the loun that made the laws,

To hang a man for gear,

To 'reave of life for ox or ass,

For sheep, or horse, or mare:

Had not their laws been made sae strick,

I neir had lost my joy;

Wi' sorrow neir had wat my cheek

For my dear Gilderoy.

Giff[66] Gilderoy had done amisse,

He mought hae banisht been,

Ah, what fair cruelty is this,

To hang sike handsome men!

To hang the flower o' Scottish land,

Sae sweet and fair a boy;

Nae lady had so white a hand

As thee, my Gilderoy.

Of Gilderoy sae fraid they were,

They bound him mickle strong,

Tull Edenburrow they led him thair,

And on a gallows hung: